叡評食 - 兩草篇

#Bandai食在旺角

📍 兩草

✨ 人氣平民食鋪「兩草」，主打多款馬來西亞嘅美食🇲🇾其實先後喺大坑、西環開過分店，不乏人氣🔥但都先後結業。最近，「兩草」喺旺角重開，即刻帶大家去試一試😜 

🍚 香煎脆邊蛋肉餅飯 $42 

特別要求多蔥花，真係一啲都無吝嗇👍🏻燶邊太陽蛋，無花無假，蛋黃十分飽滿，流心蛋黃撈飯一流。肉餅肥瘦適中，輕輕煎香過兩面，入口鬆軟香口。最主要係豉油好味🥰，不過肉餅都係唔及我工人(媽媽)整得好食😂

🥪 滑蛋叉燒三文治 $27

包皮烘得五分乾脆，硬中帶軟，食落香甜包皮味😋雖然叉燒唔係半肥瘦，但食完無咁飽膩，滑蛋食得出係印尼精選金牌公鷄蛋，令我懷緬起家鄉嘅味道 😭 😭 😭 十分推薦👍🏻👍🏻👍🏻

🐔 香茅鷄排飯 $40 | 🐷 淨豬油渣 $18

本身唔諗住叫呢個 ，不過見到隔離枱叫咗個雞扒飯 ，勁香呀！ 同埋我本身都少少大食👉👈所以叫咗個雞扒飯 。雖然唔係即刻食，但都仲係Keep到超級Juicy💦  而且好嫩滑，塊皮仲煎到好脆 。豬油渣炸到脆卜卜，入口即溶嘅豬油味同我個肚腩仔有得揮🤩，邪惡但都要食！！！